Каратаев: «Коронавирус менен ооруп айыккандар экинчи жолу оорубайт дегенге далил жок»

 Коронавирус илдети менен ооруп айыккан адамдар экинчи жолу ооруп калбайт деп эч ким кепилдик бере албайт. Бул тууралуу Саламаттыкты сактоо министрлигинин орун басары Мадамин Каратаев брифинг учурунда билдирди.  
 
«Айрым адамдар мен коронавирус менен ооруп айыктым, кайра оорубайм, менде антитела бар деп айтышууда. Бул жаӊылыштык. Башка өлкөлөрдө экинчи жолу вирус жуктуруп алган учурлардын катталып жатканына күбө болуп жатабыз. Бир жолу ооруп айыккан адам экинчи жолу ооруп калбайт деп эч ким кепилдик бере албайт», -деди ал.