Жалпысынан өлкө боюнча 1305 медкызматкер ооруну жеӊди

25-июлга карата акыркы бир сутка ичинде 53 медкызматкердин вирус жуктуруп алганы аныкталып, 60 медицина кызматкери айыгып чыкты. Бул тууралуу Коомдук саламаттыкты сактоо башкармалыгынын башчысы Айнура Акматова брифинг учурунда билдирди. 
 
Бишкек шаарында-9, Ош шаарында — 8, Чүй облусунда— 5, Ош облусунда -16,  Жалал-Абад облусунда— 1,  Баткен облусунда— 11,  Ысык-Көл облусунда— 2, Талас облусунда— 1.
 
Акыркы бир суткада стационарлардан 12, үй карантининен- 48 медкызматкер айыгып чыкты. 
 
Жалпысынан республика боюнча 2 миӊ 633 медицина кызматкеринен вирус табылып, анын ичинен 1 миӊ 305 медкызматкер ооруну жеӊди.