Таласта Болот Шерди акыркы сапарга узатуу зыйнаты өтүүдө

Бүгүн, 23-июнда Талас облусунун Манас районуна караштуу Чоң-Капка айылында белгилүү саясатчы Болот Шерди акыркы сапарга узатуу зыйнаты өтүүдө.
Акыркы сапарда Жогорку Кеңештин атынан вице-спикер Мирлан Бакиров, өкмөттүн атынан маданият, маалымат жана туризм министри Азамат Жаманкулов сүйлөдү.

Азамат Жаманкуловдун айтымында, Болот Шер бир гана саясат эмес, маданият тармагында дагы салымы чоң.

Мурдагы депутат Болот Шер 61 жашында каза болду. Буга чейин Жогорку Кеңештин мурдагы депутаты Болот Шер үчүнчү ирет инсульт алып, Улуттук госпиталда жатканы айтылган.