Кыргызстанда Өзбекстандын жаңы элчиси ишке киришти. Жаңы элчи дайындалганы  тууралуу  Өзбекстандын тышкы иштер министрлигинин маалымат таратты.  Маалыматка караганда расмий Ташкент Хуршид Мирзахидовду Өзбекстандын Кыргызстандагы ыйгарым укуктуу элчиси кылып дайындады жана жаңы элчи Бишкекке 30-майда келди.

Хуршид Мирзахидов 49 жашта. Мурда Өзбекстандын Улуттук телерадиокомпаниясын жетектеген. Маалыматтык технологиялар жана байланыш министри болгон.
Мурдагы элчиси Камил Рашидовдун дипломатиялык миссиясы 2019-жылы августта аяктаган. Ал Кыргызстанда 2012-жылдан баштап иштеген.