«Ата Мекен» партиясынын лидери Өмүрбек Текебаевдин кызы Ай-Данэк партия мүчөсү, жаштар канатынын лидери болуп, парламенттик шайлоого аттанганы турат.
Сыягы, бийликтин шайлоого чейин актабасына көзү жеткен Текебаев кызын саясатка аралаштырып, депутат кылууга белсенген көрүнөт. Ошол себептен, «Ата Мекен» партиясынын аймактарда өтүп жаткан конференцияларына жиберип, эл алында сүйлөтүп, таанытып, такшалтып жаткандай. Ай-Данэктин Таластагы партиянын конференциясында сөз сүйлөгөнү жөн жеринен эмес.
Текебаев бул туурасында: «Ай-Данэктин биринчи жолу эл алдына, болгондо да регионго барып, эл алдына чыгып сүйлөшү. Абдан таасирленип келди. Анткени, өз алдынча түздөн-түз эл менен сүйлөшүп, алардын каалоолорун, тилектерин уккан аны толкундантты», - деп билдирди.
